13 апреля — день памяти Преподобного Ипатия Печерского целебника

Преподобный Ипатий Печерский целебник

К иконе Преподобного Ипатия Печерского обращаются с просьбой об избавлении от различных недугов. В частности, чудотворец помогает при бесплодии, а также кормящим матерям при нехватке грудного молока.

Молитва Преподобному Ипатию Печерскому

Преподобне отче Ипатие! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

15 марта — день памяти Святителя Арсения, епископа Тверского

Святитель Арсений Тверской

К иконе чудотворца Святителя Арсения, епископа Тверского обращаются для обретения равновесия, душевного покоя, смирения. Также молитву Святителю читают для избавления от немоты.

Молитва Святителю Арсению, епископу Тверскому

О великий угодниче Божий, святителю отче Арсение! Се приносим тебе хвалебное пение мы, грешнии и недостойнии чада твоя, и величаем подвиги и добродетели твоя, и многую милость твою ко всем с верою притекающим к отеческому твоему покрову. Приими с любо-вию приношение веры и любве нашея, и принеси е Вседержителю Богу, от Негоже нисходит всякое даяние благо и всякий дар совершенный, и якоже благодетельствовал еси в земнем житии твоем всем искавшим твоея помощи, тако и ныне не лиши нас, отче благосердый, твоего пред Богом многомощнаго заступления. Се бо нетленныя и многоцелебныя мощи твоя дарова нам Господь во уверение, яко велие дерзновение имаши к Нему и яко много может предстательство твое пред Престолом благости Его. Темже не остави нас сирых и безпомощных, но присно поминай нас во святых небесных твоих молитвах. Укрепи наша стопы твердо и непоколебимо ходити путем заповедей Господних, утверди руце наша к воздеянию молитвенному и к совершению добрых дел, согрей сердца наша любовию ко Господу и к жизни вечней. Испроси у Царя Небеснаго граду Твери и святей обители твоей благостояние и всей стране Российстей милость Божию и сохранение от всякаго зла. Испроси, святителю Божий, и всем, с верою прибегающим к раце святых мощей твоих и имя твое благоговейно призывающим, коемуждо дар благопотребен: недугующим исцеление, бедствующим избавление, печальным утешение, заблуждшим истины познание, грешным исправление, подвизающимся преспеяние, и всем вся к жизни временней и вечней потребная, во славу дивнаго во святых Своих Бога, в Троице славимаго и покланяемаго, Отца и Сына и Святаго Духа. Аминь.

В сложные периоды рекомендуется читать молитву Святителю 40 дней.

25 февраля — день празднования иконы Божией Матери Иверской

Божья Матерь Иверская

Божия Матерь Иверская исцеляет от глухоты и других тяжёлых заболеваний. Также перед её иконой молятся о защите своего дома от любых бед: от пожара, воров, затопления и т.д. Кроме того, Иверская Божья Матерь помогает раскаявшимся грешникам найти в себе силы и путь к покаянию. К ней обращаются об исцелении душевных и телесных недугов.

Молитва Божией Матери Иверской

«О Пресвятая Дево, Мати Господа, Царице небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию покланяющихся пречистому образу Твоему. Се бо, грехми погружаемии и скорбьми обуреваемии, взирающе на Твой образ, яко живей Ти сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о Мати всех скорбящих и обремененных! Помози нам, немощным, утоли скорбь нашу, настави на путь правый нас, заблуждающих, уврачуй и спаси безнадежных, даруй нам прочее время живота нашего в мире и тишине проводити, подаждь христианскую кончину и на Страшном Суде Сына Твоего явися нам, милосердая Заступница, да всегда поем, величаем и славим Тя, яко благую Заступницу рода христианскаго, со всеми угодившими Богу. Аминь».

При тяжелых недугах и в сложных ситуациях молитву Пресвятой Богородице Иверской читают в течение 40 дней.

24 февраля — день памяти Священномученика Власия, епископа Севастийского

Священномученник Власий, епископ Севастийский

К иконе Священномученика Власия, епископа Севастийского, в основном, обращаются при заболеваниях горла и носоглотки. Также этого святого просят о благословении и защите дома и жилища. Кроме того, священномученик Власий издавна считается покровителем животных, поэтому ему молятся о здоровье своих питомцев.

Молитва Священномученику Власию, епископу Севастийскому

О великий и славный страстотерпче, помощниче наш и теплый заступниче всем с верою притекающим к тебе, святый священномучениче Власие! Призри от горния славы милостивым оком твоим на предстоящия люди и умильно тебе молящияся, простри теплыя молитвы твоя ко Господу Богу нашему, испроси у Него прощения согрешений наших, но еже избавитися нам от всегубительной язвы, труса, потопа, огня, меча и вечныя казни, исходатайствуй пред Престолом Господа Вседержителя немощным телесем нашим оставления согрешений, всем же чтущим честную память твою, укрепления на дела благая, не презри нас недостойных, молящихся тебе пред честною иконою твоею и просящих твоея помощи и заступления, испроси нам вся яже ко спасению нашему полезная, да богоугодная Владыце нашему Иисусу Христу зде творяще, сподобимся молитвами твоими наследовати Царствие Небесное, идеже вкупе с тобою прославим Единаго в Троице славимаго Бога Отца, и Сына, и Святаго Духа, во веки веков. Аминь.

При тяжелых недугах эту молитву читают в течение 40 дней.

17 февраля — день памяти преподобного Кирилла Новоезерского

Преподобный Кирилл Новоезерский

К иконе преподобного Кирилла Новоезерского обращаются с просьбой об исцелении от инфекционных заболеваний.

Молитва преподобному Кириллу Новоезерскому

О великий угодниче, преславный чудотворче, Кирилле блаженне! Душею на небеси престолу Божию предстояй и Троичныя славы наслаждаяйся, телом же на земли в Божествественном храме сем почиваяй и от него данною ти свыше благодатию различная источаяй чудеса: призри милостивым оком на предстоящия честней твоей ризе люди и просящия сильныя твоея помощи. Ты убо, яко стяжавый дерзновение, испроси Церкви благостояние, воздуха благорастворение, земли плодоносие. Избави всех, верою несумненною к Богу приходящих и многоцелебныя мощи твоя благоговейно почитающих, от всяких бед душевных и телесных, от всех томлений и прилогов давольских. Яко да твоими молитвами наставляеми, путь на земли маловременнаго жития нашего безбедне совершим: улучим же на небеси некончаемый покой и прославим купно с тобою всех благих Дателя, единаго в Троице славимаго Бога, Отца и Сына и Святаго Духа, ныне и присно и во веки веков. Аминь.

В случае тяжелых болезней следует читать молитву чудотворцу в течение 40 дней.

26 января — день памяти Преподобного Иринарха, затворника Ростовского

Преподобный Иринарх, затворник Ростовский

К иконе Преподобного Иринарха, затворника Ростовского, в основном, обращаются с просьбой об избавлении от мигрени, вегетососудистой дистонии, гипертонии, а также от последствий инсульта. И чудотворец всем нуждающимся посылает свою поддержку и помощь.

Молитва Преподобному Иринарху, затворнику Ростовскому

О великий угодниче Христов, добропроизвольный страдальче, новопросиявый чудесы, отче наш Иринарше. Российстей земли удобрение, граду Ростову похвало, обители сей велие украшение и утверждение! Кто не удивится твоему самопроизвольному и долголетнему страдальческому терпению: Тридесять бо лет в тесней и хладней хижине себе заключил еси, хлад, алчбу и изнурение плоти Царствия ради Небеснаго понесл еси, к сему же и изгнание из обители, по наваждению вражию, безропотно претерпел еси. Вемы же, яко посреди умолен быв от братии, яко незлобивый агнец, паки в обитель твою возвратился еси и в туюжде хижину вселился еси, яко адамант твердый, на невидимая бесовская полчища и видимыя враги твоя терпением себе вооружив. Егда же попущением Божиим наидоша на обитель сию польстии ратницы, сих не убоялся еси смертнаго прещения, но уцеломудрився словом, во своя си возвратитися сотворил еси. Сего ради Всеблагий Бог, видя твою веру и страдальческое долготерпение, дар прозорливства и исцеления тебе дарова: бесным бо исцеление, хромым доброхождение, слепым прозрение подавал еси, и иная многая с верою к тебе приходящим во благо даже доднесь чудодействуеши. Мы же недостойнии, таковая чудеса видяще и радости исполняющеся, взываем к тебе сице: радуйся, доблественный страдальче и бесов победителю, радуйся скорый наш помощниче и теплый к Богу молитвенниче. Услыши убо и нас грешных, молящихся тебе и прибегающих под кров твой: яви милостивное предстательство твое о нас ко Всевышнему и исходатайствуй твоими богоприятными молитвами вся полезная ко спасению душ и телес наших, сохрани святую обитель сию, всякий град и весь и всякую страну христианскую от всех наветов вражиих, в скорбех же и болезнех наших подавай нам руку помощи, да твоим ходатайством и заступлением, благодатию же и милосердием Христа Бога нашего, избавимся и мы недостойнии, по отшествии от жития сего, шуияго стояния, и да сподобимся деснаго со всеми святыми во веки веков. Аминь.

При тяжелых болезнях необходимо читать эту молитву в течение 40 дней.

25 января — день празднования иконы Божией Матери «Млекопитательница»

Божья Матерь Млекопитательница

Божия Матерь «Млекопитательница» исцеляет от тяжёлых недугов, в том числе от онкологических заболеваний. Также она помогает кормящим матерям и беременным женщинам. Перед её иконой молятся о здоровье младенцев, при трудных родах, при недостатке грудного молока.

Молитва Божией Матери «Млекопитательница»

Приими, Госпоже Богородительнице, слезная моления рабов Твоих, к Тебе притекающих. Зрим Тя на свя­тей иконе, на руках носящую и мле­ком питающую Сына Твоего и Бога нашего, Господа Иисуса Христа. Аще и безболезненно родила еси Его, обаче матерния скорби веси и немощи сынов и дщерей человеческих зриши. Темже тепле припадающе к цельбоносному образу Твоему и умиленно сей лобызающе, молим Тя, всемило­стивая Владычице: нас, грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившия их, от тяжкаго недуга и горькия скорби избави. Даруй им здравие и благомощие, да и питаемии от силы в силу возрастати будут, и питающия их исполнятся радостию и утешением, яко да и ныне предстательством Тво­им из уст младенец и ссущих Господь совершит хвалу Свою. О Мати Сына Божия! Умилосердися на Матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли, и не презри слез и воздыхании рабов Твоих. Услыши нас в день скорби пред иконою Твоею припадающих, и в день радости и избавления приими благодарная хваления сердец наших. Вознеси мольбы наша к престолу Сына Твоего и Бога нашего, да ми­лостив будет ко грехом и немощем нашим и пробавит милость Свою ве­дущим имя Его, яко да и мы, и чада наша, прославим Тя, милосердую За­ступницу и верную надежду рода на­шего, во веки веков. Аминь.

В сложных ситуациях и при тяжелых недугах молитву Пресвятой Богородице «Млекопитательница» читают в течение 40 дней.

13 января — день памяти Преподобной Мелании Римляныни

Преподобная Мелания Римляныня

Преподобной Мелании Римляныни молятся при самых различных недугах. Также женщины со всего мира обращаются к Преподобной Мелании с молитвами, чтобы благополучно выносить и родить здорового ребенка и для облегчения родов.

Молитва Преподобной Мелании Римляныни

О, преславная мати Мелание, скорая наша помощнице и заступнице и неусыпная о нас молитвеннице! Предстояще пречистому образу твоему и тя, яко живу сущу, зряще, припадающе молимся тебе: приими прошения наша и принеси я ко Престолу Милосердаго Отца Небеснаго, яко дерзновение к Нему имущая; испроси притекающим к тебе и всем православным христианом вечное спасение и временное благоденствие, на вся благая дела и начинания наша щедрое благословение, от всяких бед и скорбей скорое избавление. Ей, чадолюбивая мати наша, тебе, предстоящей Престолу Божию, ведомы нужды наша духовнии и житейскии, призри на ня матерним оком, и твоими молитвами отврати от нас колебание всяким ветром учения, злых и богопротивных обычаев умножение; утверди же во всех веры согласное ведение, взаимную любовь и единомыслие, да всем, и словесы и писании и делами, славится среди нас Всесвятое имя Отца и Сына и Святаго Духа, Единаго Бога, в Троице покланяемаго, Емуже честь и слава, во веки веков. Аминь.

При тяжелых случаях необходимо читать молитву ежедневно в течение 40 дней.

24 декабря — день празднования иконы Божией Матери Ташловской «Избавительница от бед»

Божия Матерь Ташловская Избавительница от бед

Божия Матерь Ташловская «Избавительница от бед» исцеляет от неизлечимых болезней, избавляет от душевных терзаний, смятений, уныния и отчаяния, помогает в различных житейских скорбях.

Молитва Божией Матери Ташловская «Избавительница от бед»

О Мати Божия, помоще наша и защито, присно буди нам избавительница, на Тя бо уповаем и всегда вседушно Тя призываем, умилосердися и помози, пожалей и избави, приклони ухо Твое и наша скорбныя и слезныя молитвы приими, и якоже хощеши успокой и обрадуй нас, любящих Твоего возлюбленнаго Сына, Ему же слава, честь и поклонение, со Отцем и Святым Духом, во веки веков.

Аминь.

В сложных ситуациях и при тяжелых недугах молитву Пресвятой Богородице Ташловской «Избавительница от бед» читают в течение 40 дней.

 

20 декабря — день памяти Преподобного Нила Столбенского

Преподобный Нил Столобенский

К иконе Преподобного Нила Столбенского обращаются за помощью при самых различных заболеваниях, в частности при болезнях суставах. Также Святой Нил Столобенский почитается как покровитель и защитник путешественников и странствующих.

Молитва Преподобному Нилу Столбенскому

О великий угодниче, преславный чудотворче, собранного зде о тебе стада Христова бодрый пастырю и обители сея Богом данный начальниче, Ниле всеблаженне! Душею на небеси Престолу Божию предстояй и Троичныя славы наслаждаяйся, телом же на земли в Божественном храме сем почиваяй и от него данною ти свыше благодатию различная источаяй чудеса, призри милостивым оком на предстоящия честней твоей раце люди и просящия сильныя твоея помощи. Се бо мы в безмерных согрешениях осквернившиися и в тине страстей присно валяющиися, праведный гнев Божий на себе наведохом и всякия милости недостойны сотворихомся; темже и не смеюще возвести очес наших к высоте небесней, ниже вознести молебный глас, сердцем сокрушенным и духом смиренным тебе в ходатайство и пособие призываем. Ты убо, яко стяжавый дерзновение, воздвигни горе преподобныя твоя руце, якоже иногда чудный оный Моисей Боговидец Амалика побеждаяй, и простер к Господу Творцу всех и Богу теплую свою молитву, испроси Церкви благостояние, воздуха благорастворение, земли плодоносие. Избави же всех, верою несумненною к Богу приходящих и многоцелебныя мощи твоя благоговейно почитающих, от всяких бед душевных и телесных, от всех томлений и прилогов диавольских. Буди печальным утешитель, недугующим врач, напаствуемым помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий и исходатайствуй всем, крепкия помощи твоея усердне требующим, вся яже ко спасению полезная. Яко да твоими молитвами наставляеми, путь на земли маловременнаго жития нашего безбедне совершим, улучим же на небеси нескончаемый покой и прославим купно с тобою всех благих Дателя, единаго в Троице славимаго Бога Отца и Сына и Святаго Духа, ныне и присно, и во веки исков. Аминь.

При тяжелых заболеваниях читать молитву рекомендуется ежедневно 40 дней.