Архив рубрики: Святые и их помощь

К иконе блаженного Василия, Христа ради юродивого, Московского чудотворца обращаются за помощью от болезней глаз, слепоты, кожных заболеваний, проблем с ногами.

Молитва блаженному Василию, Христа ради юродивому, Московскому чудотворцу

О великий угодниче Христов, истинный друже и верный рабе Всетворца Господа Бога, преблаженне Василие! Услыши ны, многогрешныя, ныне вопиющия к тебе и призывающия имя твое святое, помилуй ны, припадающия днесь к пречистому образу твоему, приими малое наше и недостойное сие моление, умилосердися над убожеством нашим и молитвами твоими исцели всяк недуг и болезнь души и тела нашего грешнаго; и сподоби ны течение жизни сея невредимо от видимых и невидимых врагов и безгрешно преити, и христианскую кончину непостыдну, мирну, безмятежну и Небеснаго Царствия наследие получити со всеми святыми во веки веков. Аминь.

При серьёзных недугах молитву чудотворцу читают в течение 40 дней.

Икона «Всех скорбящих радость» к своему названию получила дополнение: «с грошиками», в связи с необычной историей, которая произошла в Петербурге в 1888 году. Во время грозы в часовню ударила молния и попала в то место, где стояла данная икона. Но икона не пострадала, единственное к ней прикрепились 12 медных монет (грошиков), которые лежали на жертвенной тарелочке перед ней. После этого случая икона как будто посветлела и обновилась и около неё стали происходить чудесные исцеления. Впоследствии в честь прославившейся иконы на месте часовни построили храм.

Иконе Пресвятой Богородицы «Всех скорбящих радость» молятся для исцеления от тяжёлых ( и неизлечимых) болезней.

 Молитва Божией Матери «Всех скорбящих радость» (с грошиками)

Надеждо ненадежных, сило безпомощных, пристанище обуреваемых, покрове напаствуемых, заступление обидимых, хлебоманно, услаждающая алчущих, нектаре небеснаго упокоения жаждущих, Мати преблагословеннаго Бога, преблагословенная и пренепорочная Дево! К Тебе единой прибегаю, к Твоему покрову вседушно преклоняю колена, Владычице. Не презри плача и слез, утехо плачущих! Аще ужасает мя мое недостоинство и окаянство моих грехов, но уверяет мя цельбоносный сей образ, на немже благодать Твою и силу, яко неисчерпаемое море, вижду: слепых прозревших, скачущих хромых, странствующих аки под сению Твоего призрения Матерне упокоенных и по всякому прошению благоизобильствующих: на оных помилования образ взирая, прибегох, слеп сый душевныма очима и хром душевными чувствы. О, свете незаходимый! Просвети и исправи мя: веси всякую мою скорбь, веси всякую беду: не презри моления моего, о Полезнодательнице! Не возгнушайся мене грешнаго, не презри мене сквернаго: вем, яко вся можеши, елика волиши, о добрая надеждо моя, упование мое от сосцу матере моея. К Тебе привержен есмь от чрева матере моея, Тебе оставлен есмь: не остави мене, не отступи от мене ныне, и присно и во веки веков. Аминь.

Рекомендуется читать эту молитву перед иконой Пресвятой Богородицы «Всех скорбящих радость» в течение 40 дней.

Божия Матерь Колочская помогает избавиться от болезней ног и рук, слепоты и заболеваний глаз, глухоты и проблем с ушами, от паралича и последствий инсульта.

 Молитва Божией Матери Колочской

Пречистая Владычице Богородице, Царица Небесе и земли, высшая Ангел и Архангел и всея твари Честнейшая, чистая Дево Марие, миру Благая помощнице, всех христиан поможение и утверждение, и всем во всяких нуждах избавление! Призри ныне, О, Всемилостивая Госпоже, на рабы Твоя, умиленною душею и сокрушенным сердцем Тебе молящыяся, со слезами к Тебе припадающыя и Пречистому и Цельбоносному образу Твоему поклоняющыяся, Твоея же помощи и заступления в скорбех и напастех своих просящыя. Буди за нас хода-таица к Сыну Твоему, Христу Богу нашему: мы бо грешнии не имамы иныя помощницы раз­ве Тебе, Владычице. Ты еси наша надежда и упование, Ты еси заступница и предстательни­ца наша, Ты обидимым защищение, печаль­ным утешение, скорбящым радование, сирым прибежище, вдовам хранительница, девам слава, слезящым веселие, больным посещение, немощным исцеление, грешным спасение. Се­го ради, О, Богомати, к Тебе прибегаем, и на Твой Святый образ взирающе, с любовию покланяемся Тебе с предвечным на руку Твоею держимым Младенцем, Господем нашим Ии­сусом Христом, и молебное пение приносим, вопиюще: помилуй ны, Мати Божия, и проше­ния наша исполни во благо, вся бо возможна суть ходатайству Твоему к Сыну Твоему и Богу нашему, Емуже подобает всякая слава, честь и поклонение и благодарение, со Безначальным Его Отцем и со Присносущным Его Духом, ны­не и присно и во веки веков. Аминь

При тяжелых недугах молитву Пресвятой Богородице Колочской следует читать в течение 40 дней.

К иконе Преподобного Афанасия Афонского обращаются за помощью от душевных переживаний, скорби, печали, депрессии, когда сердце терзается искушениями. Молитву святому читают также при кровотечениях и незаживающих ранах. И Преподобный всем посылает свою поддержку и помощь.

 Молитва преподобному Афанасию Афонскому

Преподобне отче Афанасие, изрядный угодниче Христов и великий Афонский чудотворче, во дни земнаго жития твоего многия на путь правый наставивый и во царствие Небесное мудре руководивый, скорбныя утешивый, подающым руку помощи подавый и всем любезен, милостив и сострадален отец бывый! Ты и ныне, в небесней пребывая светлости, наипаче умножаеши любовь твою к нам немощным, в мори житейстем различие бедствующым, искушаемым духом злобы и страстьми, воюющими на дух. Сего ради смиренно молим тя, святый отче: по данней тебе от Бога благодати помози нам волю Господню в простоте сердца и смирении творити: искушения же вражия победити и свирепое страстей море да тако немокренно прейдем житейскую пучину и предстательством твоим ко Господу сподобимся достигнути обетованнаго нам Царствия Небеснаго, славяще Безначальную Троицу, Отца и Сына и Святаго Духа, ныне и присно, и во веки веков. Аминь.

При тяжелых случаях рекомендуется читать эту молитву в течение 40 дней.

К иконе Святого пророка, крестителя Господнего Иоанна Предтечи обращаются при головных болях, нарушениях мозгового кровообращения, вегетососудистой дистонии.

Святой Пророк не только исцеляет тело, но и мысли — помогает переосмыслить свою жизнь, покаяться, изменить образ мыслей и т.д.

Молитва Иоанну Предтечи

Крестителю Христов, проповедниче покаяния, кающагося не презри мене, но совокупляяся с вои Небесными, молися ко Владыце за мене недостойнаго, унылаго, немощнаго и печальнаго, во многая беды впадшаго, утружденнаго бурными помыслы ума моего: аз бо есмь вертеп злых дел, отнюд не имеяй конца греховному обычаю, пригвожден бо есть ум мой земным вещем: что сотворю, не вем. И к кому прибегну, да спасена будет душа моя? токмо к тебе, святый Иоанне, благодати тезоимените, яко тя пред Господем по Богородице вем больша быти рожденных всех, ибо ты сподобился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний Пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю: не отрини мене от твоего заступления, но возстави мя падшагося многими грехи; обнови душу мою покаянием, яко вторым крещением, понеже обоего начальник еси: крещением омываяй прародительный грех, покаянием же очищаяй коегождо дело скверно; очисти мя грехами оскверненнаго и понуди внити, аможе ничтоже скверно входит, во Царствие Небесное. Аминь.

При тяжелых недугах рекомендуется читать молитву Святому пророку в течение 40 дней.

К иконе Преподобного Тихона Калужского чудотворца обращаются за помощью от душевных терзаний, от болезней глаз. Молитву святому читают также для исцеления детей. И чудотворец всем посылает свою помощь и поддержку.

 Молитва преподобному Тихону Калужскому чудотворцу

О священная главо, великий чудотворче, преподобне отче наш Тихоне, преблаженне и преславне, Духа Святаго исполнение, постников похвало, монашествующих славо, пустыни украсителю, теплый о нас грешных молитвенниче! Ныне со ангельскими воинствы предстояй у престола всех Царя славы Господа и наслаждаяся света Единосущныя Троицы и с горними силами воспевая Трисвятую песнь, яко дерзновение имея, молися всемилостивому Владыце, спасти вся верующия во имя Его: испроси мир и тишину святым церквам ниспослати, вере православней укрепление, вся противныя языки, брани хотящия, видимыя враги низложити, грады наша утвердити, мир весь умирити. Моли милостиваго Бога, да, твоим благоприятным ходатайством, вся православная христианы избавит Он от глада, губительства, труса, потопа, огня, меча, от нашествия иноплеменник и междоусобныя брани. Старыя да подкрепит, юныя да наставит, немудрыя да умудрит, болящия исцелит, плененныя и юзники свободит, сироты заступит, младенцы воспитает и вся люди сохранит от всех бед и напастей и от нападения вражия, и смертоносныя язвы, и тлетворных ветр, и от всякаго зла. Днесь же с верою приходящих рабов твоих (имена их), со страхом и любовию припадающих ко святой иконе твоей и образ подобия твоего любезно целующих, яко теплый наш заступниче, сохрани, и в скорбных обстояниих наших предстани, душевных и телесных страстей свободи. В день Страшнаго Суда шуияго стояния избави и с десными овцами молитвами твоими стати сподоби и слышати блаженный оный глас Владыки Христа Бога нашего: «Приидите, благословеннии Отца Моего, наследуйте уготованное вам Царство от сложения мира», Ему же подобает всякая слава, честь и поклонение со Безначальным Его Отцем и со Пресвятым и Благим и Животворящим Его Духом, ныне и присно и во веки веков. Аминь.

При тяжелых недугах следует читать эту молитву 40 дней.

К иконе Преподобного Кирилла игумена Белоезерского обращаются с просьбой о помощи в учёбе, о благополучии на работе и построении карьеры, о воспитании таких качеств, как усердие и терпение, о ясности ума. Чудотворец также посылают свою поддержку и помощь в обретении и строительстве жилища и исцеляет от инфекционных заболеваний.

 Молитва преподобному Кириллу, игумену Белоезерскому, чудотворцу

О, священная главо, преподобне и Богоносне Отче Кирилле! Припадаем к тебе с верою и любовию, и просим тя, небеснаго Заступника нашего: яви велие милосердие твое нам, смиренным и грешным, и пролей теплыя молитвы твои о нас ко Господу Богу. Свойственно есть тебе благосердие, святче Божий, ибо живущу ти на земли, едино бысть у тебе попечение, еже спасати от погибели греховны души человеческий, и вся твоя жизнь святая бысть зерцалом добрых дел, о нихже прославляшеся в тебе Отец Небесный, к Немуже велие дерзновение стяжав, испроси нам у благости Его: веру праву, благочестие нелицемерное, покаяние истинное, братолюбие совершенное и преуспеяние во всех благих делех. Исходатайствуй нам здравие душевное и телесное, земли плодоносие, воздуха благорастворение, мирное и безмятежное житие, непостыдную христианскую кончину и добрый ответ на страшнем Суде Христовом. Сохрани Церковь Святую и Державу Российскую от браней и нестроений. Огради обитель твою честную от всякаго зла, и вся правоверныя люди, к тебе приходящыя и мощем твоим покланяющиеся, осени небесным твоим благословением, и вся прошения их во благо исполни. Ей, Отче, не презри молитв наших, со умилением тебе возносимых, но буди о нас теплый предстатель ко Господу, и сподоби нас помощию твоею святою спасение вечное получити, и Царствие Небесное унаследовати, да славословим великия щедроты и неизреченныя милости Отца и Сына и Святаго Духа, в Троице покланяемаго Бога, и твое Отеческое заступление, во веки веков, аминь.

В случае тяжелых недугов рекомендуется в течение 40 дней читать молитву чудотворцу.

К иконе Божией Матери «Споручница грешных» обращаются за помощью для избавления от тяжёлых болезней. Отмечались такие случаи исцеления перед иконой, как эпилепсия, сложные неврологические заболевания, неизлечимое заболевание мозга и многие другие. Также данная молитва помогает в минуты уныния и отчаяния, даря успокоение и мир в душе.

Молитва Божией Матери «Споручница грешных»

О Владычице Преблагословенная, защитнице рода христианскаго, прибежище и спасение притекающих к Тебе! Вем, воистинну вем, яко зело согреших и прогневах, Премилостивая Госпоже, рожденнаго плотию от Тебе Сына Божия: но имам многии образы прежде мене прогневавших Его благоутробие: мытари, блудницы и прочия грешники, им же дадеся прощение грехов их, покаяния ради и исповедания. Ты убо образы помилованных очесем грешныя души моея представляя и на толикое Божие милосердие, онех приемшее, взирая, дерзнух и аз грешный прибегнути с покаянием ко Твоему благоутробию. О всемилостивая Владычице, да подаси ми руку помощи и испросиши у Сына Твоего и Бога матерними и святейшими Твоими молитвами тяжким моим грехам прощение. Верую и исповедую, яко Той, Его же родила еси, Сын Твой, есть воистину Христос, Сын Бога Живаго, Судия живых и мертвых, воздаяй комуждо по делам его. Верую же паки и исповедую Тебе быти истинную Богородицу, милосердия Источник, Утешение плачущих, Взыскание погибших, сильную и непрестающую к Богу Ходатаицу, зело любящую род христианский, и Споручницу покаяния. Воистинну бо несть человеком ины помощи и покрова, разве Тебе, Госпоже Премилостивая, и никтоже уповая на Тя постыдеся когда, и Тобою умоляя Бога, никто же оставлен бысть. Того ради молю Твою неисчетную благость: отверзи двери милосердия Твоего мне, заблудшему и падшему в тимение глубины, не возгнушайся мене сквернаго, не презри грешнаго моления моего, не остави мене окаяннаго, яко в погибель злобный враг похитити мя ищет, но умоли о мне рожденнаго от Тебе милосердаго Сына Твоего и Бога, да простит великия моя грехи, и избавит мя от пагубы моея: яко да и аз со всеми получившими прощение воспою и прославлю безмерное милосердие Божие и Твое непостыдное о мне заступление в жизни сей и в нескончаемом веце. Аминь.

При тяжёлых недугах молитву Пресвятой Богородице «Споручница грешных» читают в течение 40 дней.

Божия Матерь «Жировицкая» помогает избавиться от сомнений и душевных смятений, защищает дом от пожаров, исцеляет неизлечимые телесные недуги.

Молитва Божией Матери «Жировицкая»

О, Премилосердная Госпоже, Дево Богородице! Киима устнама прикоснуся ко святыни Твоей, или киими словесы исповем щедроты Твоя, людем являемыя: никтоже бо, притекаяй к Тебе, отходит тощ и не услышан. От юности моея взысках помощи и заступления Твоего, и николиже лишен бых милосердия Твоего. Зриши, Госпоже, скорби сердца моего и язвы души моея веси. И ныне, коленопреклоненно предстоя пред пречистым Твоим образом, моления моя приношу Ти. Не лиши мя всесильнаго ходатайства Твоего в день скорби моея, и в день печали моея заступи мя. Тока слез моих не отврати, Владычице, и радости мое сердце исполни. Прибежище и предстательство буди мне, Милостивая, и света Твоего зарями ум мой просвети. И не токмо о себе молю Тя, но и о людех, притекающих к заступлению Твоему. Церковь Сына Твоего во благости соблюди, и огради ю от злокозненных наветов враг, возстающих на ню. Архипастырем нашим посли помощь Твою во апостольстве, и сохрани их здравы, долгоденствующи, право правящи слово истины Господни. Пастырем испроси у Бога Сына твоего ревность и бдение о душах врученнаго им стада словеснаго, и дух разума и благочестия, чистоты и правды божественныя им ниспосли. Испроси такожде, Владычице, у Господа властем предержащим и градоправителем мудрость и силу, судиям правду и нелицеприятие, всем же притекающим к Тебе дух целомудрия, смиренномудрия, терпения и любве. Еще же молю Тя, Премилосердная, осени страну нашу кровом Твоея благостыни, и избави ю от бедствий стихийных, нашествия иноплеменников и междоусобных нестроений, да вси, живущии в ней, в любве и мире пребывающе, тихое и безмятежное житие поживут, и благ вечных молитвами Твоими унаследивше, возмогут купно с Тобою восхваляти Бога на небеси во веки. Аминь.

При тяжелых недугах и в сложных случаях молитву Пресвятой Богородице «Жировицкая» читают в течение 40 дней.

К иконе Божией Матери «Неупиваемая чаша» обращаются за помощью для избавления от таких вредных привычек, как курение, алкоголизм, наркотическая зависимость. Также данная молитва помогает в приобретении, обмене, продаже недвижимости и других жилищных вопросах.

 Молитва Божией Матери «Неупиваемая чаша»

О, премилосердная Владычице! К Твоему заступлению ныне прибегаем, молений наших не презри, но милостиво услыши нас: жен, детей, матерей; и тяжким недугом пианства одержимых, и того ради от матери своея — Церкви Христовой и спасения отпадающих, братьев, и сестер, и сродник наших исцели.

О, милостивая Мати Божия, коснись сердец их и скоро возстави от падений греховных, ко спасительному воздержанию приведи их.

Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии.

Приими, Пресвятая Богородице, молитвы матерей, о чадах своих слезы проливающих, жен, о мужех своих рыдающих, чад, сирых и убогих, заблуждшими оставленных, и всех нас, к иконе Твоей припадающих. И да приидет сей вопль наш, молитвами Твоими, ко престолу Всевышняго.

Покрый и соблюди нас от лукаваго ловления и всех козней вражиих, в страшный же час исхода нашего помоги пройти непреткновенно воздушные мытарства, молитвами Твоими избави нас вечнаго осуждения, да покрыет нас милость Божия в нескончаемые веки веков. Аминь.

 В сложных ситуациях следует читать молитву Пресвятой Богородице «Неупиваемая чаша» в течение 40 дней.